Мубашшир Ахмад 2,6 жылға бас бостандығынан айырылды

Мубашшир Ахмад 2 жыл 6 айға бостандықтан айырылды, деп Курсиф Қазақстан хабарлады.

8 қазан күні Ташкент қаласындағы сот діни блогер Алишер Турсұновты (Мубашшир Ахмад) 2 жыл 6 айға түрме жазасына кесті. Бұл туралы Өзбекстан Жоғарғы сотының баспасөз қызметі мәлімдеді.

Сот оған қатысты заңға қайшы діни материалдар дайындау және сақтау, халық арасында араздық туғызу, сондай-ақ интернетте заңсыз контент тарату айыптауларын растады. Жаза жалпы режимдегі колонияда өтеледі.

Сот блогердің әлеуметтік желідегі парақшаларын да бұғаттауға шешім қабылдады. Прокуратура 7 жыл түрме және айыппұл тағайындауды сұраған, қорғаушы болса айыптауларды ішінара жоққа шығару мен блогердің жастарға білім берудегі рөлі және оның денсаулығын ескеруді өтінген.