Андижанда 18 ағаштың заңсыз кесілгені анықталды, деп хабарлады UPL.uz.
Андижан облысы Экология, қоршаған ортаны қорғау және климаттың өзгеруі жөніндегі министрліктің баспасөз қызметінің мәлімдеуінше, Избоскан ауданында 30 жылдық ағаштардың кесілгені туралы хабар әлеуметтік желілерде таралғаннан кейін тексеріс жүргізілген.
Тексеріс үшін арнайы жұмыс тобы құрылып, оқиға Избоскан ауданындағы “Мирзо Ұлықбек” МА-да, Шипагерлер көшесінде орын алғаны анықталған. Онда 18 дана катальпа түріне жататын ағаштың заңсыз кесілгені белгілі болған.
Азаматқа қатысты Өзбекстан Республикасының Әкімшілік құқық бұзушылықтар туралы кодексінің “Ағаштар мен бұталарды заңсыз кесу” бабының 1-бөлігі бойынша хаттама рәсімделген. Оған 10 300 000 сом мөлшерінде айыппұл салынған.
Министрліктің хабарлауынша, бұл заңсыз әрекеттің қоршаған ортаға келтірген материалдық зиянының көлемі әзірге анықталмаған.
“Zamin”-ді Telegram-нан оқыңыз!
