Xiaomi компаниясы табиғи газда жұмыс істейтін жаңа Mijia Gas Stove 3C 5200W газ плитасын таныстырды. Құрылғы Youpin платформасында сатылымға шықты.
Бұл туралы Ixbt.com хабарлайды.
Оның ұсынылған бағасы 130 АҚШ долларын құрайды, бірақ алғашқы сатып алушылар үшін 100 АҚШ долларынан ұсынылуда.
Өндірушінің мәліметінше, панель жаңартылған ірі оттықпен жабдықталған. Бұл оттың орталықтан шеттерге қарай біркелкі таралуын қамтамасыз етеді.
Нәтижесінде жергілікті қызып кету азаяды және тамақ дайындау тиімділігі артады.
Құрылғы Mijia экожүйесіне интеграцияланған, оны ауа сорғышпен (вытяжка) байланыстыруға болады. Сондай-ақ, плита пайдаланушыға отты өшіруді ұмытып кеткенін автоматты түрде еске салып тұрады.
Жүйе қуаты 5,2 кВт-ты құрайды, ал пайдалы әсер коэффициенті 65 пайыздан кем емес. Панельдің өлшемдері 760x410x150 миллиметр, ал салмағы 10 килограммға тең.
“Zamin”-ді Telegram-нан оқыңыз!
