Ресейдің ірі маркетплейстері сәуір айында пайдаланушылар белсенділігінің төмендеуіне тап болды. Бұған ел аумағында VPN-трафикті шектеу бойынша енгізілген жаңа шаралар себеп болды. Digital Budget деректері бойынша, ең үлкен құлдырау Wildberries платформасында байқалды: мобильді веб-трафик 10 пайызға, компьютердегі трафик 6 пайызға қысқарды. Бұл туралы Ixbt.com хабарлайды.
Басқа ірі платформалар да теріс динамиканы тіркеді. Атап айтқанда, Ozon және Yandex Market мобильді трафигі 3 пайызға, ал Avito 1,5 пайызға азайды. Сарапшылардың пікірінше, VPN тыйымдары бірінші кезекте мобильді пайдаланушыларға әсер етуде. Көптеген қолданушылар басқа қызметтерге кіру үшін VPN-ді үнемі қосып қояды, бұл маркетплейс қосымшаларының баяу жұмыс істеуіне немесе іркілістерге алып келуде.
Strategy Partners бағалауынша, қосымшалар трафигінің төмендеуі 2 пайыздан 10 пайызға дейін жетті, ал сауда көлемі 4 пайызға дейін қысқарды. Сатушылардың айтуынша, сәуір айындағы табыс наурыз айымен салыстырғанда 3 пайыздан 30 пайызға дейін азайған. Бұл жағдай электронды коммерция нарығының жалпы айналымына әсер етіп, шамамен 7 миллиард рубль көлемінде шығын келтірді.
Бұл жағдайда өз экожүйесі мен ішкі трафик арналары бар платформалар ұтыста қалуда. Атап айтқанда, Yandex Market өз іздеу жүйесі, браузері және жарнамалық қызметтері арқылы шығындардың бір бөлігін жабу мүмкіндігіне ие. Әлеуметтік желілер мен мессенджерлерден келетін сыртқы трафикке тәуелді алаңдар ең осал болып қалуда.
“Zamin”-ді Telegram-нан оқыңыз!
