Bultty derekterdi saqtau giganty Snowflake kompaniyasy Amazon Web Services (AWS)-pen jańa bes jyldyq yntymaqtastyq kelisimine qol qoydy. 6 milliard dollarlyq bul kelisim jasalma intellekt (AI) infraqurylymyn damytýǵa baǵyttalǵan. Málimet úshin, Snowflake 2012-jyly qūrylǵannan beri AWS Marketplace arqyly jalpy somasy 7 milliard dollarlyq qyzmet kórsetken bolsa, jańa kelisimniń ózi osy somamen shamalas. Bul týraly Techcrunch.com habarlaydy.
Kompaniya ókilderiniń aıtýynsha, tutynýshylardyń AWS platformasyndaǵy shyǵyndary kúrt ósip keledi jáne 2025-jyldyń ózinde bul kórsetkish 2 milliard dollarǵa jetedi dep kútilýde. Bul ósimniń negizgi drayveri — jasalma intellekt tehnologiyalary. Snowflake óziniń Cortex AI qūraly arqyly kásiporyndarǵa derekter bazasymen qarapayım tilde sóilesýge, esepterdi qorytyndylaýǵa jáne basqa da aqyldy fýnktsiyalardy paydalanýǵa múmkindik beredi.
Bul kelisimniń mańyzdy tūsy — Snowflake-tiń Amazon ázirlegen ARM arhitekturasyna negizdelgen Graviton protsessorlaryn paydalanýdy keńeytýi. Jasalma intellekt modeli oqytý kezeńinen kúndelikti paydalaný jáne avtonomdy agentter kezeńine ótken sayyn, CPU (ortalyq protsessor) qýatyna degen talap kúrt artady. NVIDIA chipteri negizgi eseptewlerdi oryndasa da, Graviton sekildi protsessorlar AI agentteriniń jūmysy úshin únemdi jáne tıimdi sheshim bolyp tabylady.
Amazon basshysy Andy Jassy ótken ayda kompaniyanıń óz chipleri NVIDIA ónimderine qaraǵanda jaqsyraq baǵa-tıimdylyq qatynasyn ūsynatynyn aıtqan bolatyn. Arzanyraq jáne tıimdi chipler iri tutynýshylardy tartyp jatyr. Mysaly, jaqynda Meta kompaniyasy da óziniń AI qajettilikteri úshin milliondaǵan Graviton chipterin satyp alý boyynsha AWS-pen kelisimge qol qoydy.
Qazirgi tańda barlyq iri bultty qyzmet kórsetýshiler, sonyń ishinde Google men Microsoft ta ózderiniń jeke AI chipterin shyǵarýda. Microsoft qańtar ayynda Maia AI chipin tanystyrsa, Google jyldar boyy óz chipterin paydalanyp keledi. Bul tendentsiya bultty giganttardyń NVIDIA-nyń naryqtaǵy ústemdigine qarsy jiddi básekelestik bastaǵanyn bildiredi.
“Zamin”-ді Telegram-нан оқыңыз!
