Ұлттық статистика комитеті 2026 жылдың февраль айына Өзбекстан аумақтарында 1 килограмм палау дайындау құнын есептеп шығарды. Мәліметтерге қарағанда, өңірлер бөлінісінде плов дайындау бағасы әртүрлі болып, кейбір облыстарда салыстырмалы түрде арзан, ал кейбіреулерінде қымбат екені байқалды.
Есептеулерге қарағанда, ең арзан палау Қарақалпақстан Республикасында болып, оның құны 98 927 сумды құраған. Сондай-ақ, Сырдария облысында 105 337 сум, Әндіжан облысында 106 984 сум шамасында бағаланған.
Ең жоғары баға Ташкент қаласында тіркелді - 118 381 сум. Сондай-ақ, Ферғана облысында 116 256 сум, Самарқант облысында 114 383 сум, Ташкент облысында 113 602 сум шамасында екені айтылған.
Есепте палау дайындау үшін қажетті негізгі өнімдер де ескерілген. Атап айтқанда, 0,3 литр күнбағыс майы, 300 грамм пияз, 700 грамм сиыр еті, 1 келі сәбіз, 1 келі күріш, 100 грамм ноқат, 10 грамм зире және 20 грамм тұз жұмсалады.
Сонымен қатар, мамандар бұл сандар дайын палаудың базардағы бағасын білдірмейтінін айтады. Өйткені асханаларда палаудың бағасына дайындау шығындары мен қызмет ақысы да қосылады.
“Zamin”-ді Telegram-нан оқыңыз!
