Биыл Құрбан айт 27 мамыр — сәрсенбі күніне сәйкес келеді. Осыған байланысты Президент жарлығы негізінде барлық азаматтар үшін 2 күн — бейсенбі және жұма қосымша демалыс күндері болып белгіленді. Сондай-ақ, аптасына 6 күн жұмыс істейтіндер үшін сенбі күні де демалыс күні деп жарияланды.
Нәтижесінде жұмыс аптасының түріне қарамастан, барлық өзбекстандықтар қатарынан 5 күн демалу мүмкіндігіне ие болады.
Демалыс күндері төмендегідей белгіленген:
— 27 мамыр, сәрсенбі — Құрбан айт мерекесі;
— 28 мамыр, бейсенбі — барлығы үшін қосымша демалыс күні;
— 29 мамыр, жұма — барлығы үшін қосымша демалыс күні;
— 30 мамыр, сенбі — 6 күндік жұмыс режимінде істейтіндер үшін қосымша демалыс күні;
— 31 мамыр, жексенбі — әдеттегі демалыс күні.
Мәлім етілгендей, бұл тәртіп 2025 жылғы 24 желтоқсанда қабылданған №ПФ-257 Президент жарлығы негізінде енгізілген.
“Zamin”-ді Telegram-нан оқыңыз!
