Dunyo davlatlari aholisining necha foizi internetdan foydalanadi? O‘zbekistondachi?

  • 29 iyul 2016, 16:00
  • 10 004
  • Dunyo
  • Dunyo davlatlari aholisining necha foizi internetdan foydalanadi? O‘zbekistondachi?

    “Internet Live Stats” internetdan foydalanadigan aholi soni bo‘yicha 201ta davlatning reytinigi tuzib chiqdi, deb yozmoqda "Qalampir" nashri. Mazkur reytingda O‘zbekiston 37 o‘rinda qayd etildi. Unda yurtimizning 51 foiz aholisi ya’ni 15 453 227 kishi doimiy ravishda internetdan foydalanishi yozib o‘tilgan.

    O‘zbekiston 2014 yilda mazkur ro‘yxatning 38-o‘rnida, 2015 yilda esa 37-pog‘onasida qayd etilgan. Lekin, o‘rin o‘zgarmaganining sababi aholi sonining o‘sishi bilan bog‘liq. 2014 yilda internetdan foydalanadigan aholi soni 12 million 834 mingni tashkil etgan bo‘lsa, bu ko‘rsatkich 2015 yilda 14 million 560 mingga etgan.

    O‘zbekistonda bir yilda internetdan foydalanuvchilar soni 6.1 foizga ya’ni 893 596 kishiga oshgan.

    Internetdan foydalanish bo‘yicha Xitoy (721 million), Hindiston (462 million), AQSh (286 million), Braziliya (139 million) va Yaponiya (115 million) dastlabki beshta o‘rinni band etgan.

    MDH davlatlari orasida Rossiya 6-o‘rin, Ukraina 34-o‘rin, Qozog‘iston 47-pog‘ona, Belorus 61-o‘rin, Qirg‘iziston 106 o‘rin, Tojikiston va Turkmaniston 114 va 134-pog‘onalarda qayd etilgan.

    Ma’lumotlarga qaraganda, dunyoning 40 foiz aholisi internetga ulanish imkoniyatiga ega. Bu ko‘rsatkich 1995 yilda 1 foizidan kam bo‘lgan. 1999-2013 yillar orasida internetdan foydalanuvchi aholi soni keskin oshgan.

    » » Dunyo davlatlari aholisining necha foizi internetdan foydalanadi? O‘zbekistondachi?