Moskvadagi Domodedovo aeroporti bojxonachalari kuniga 1,5 million rubl miqdorida pora olgan

  • 25 dekabr 2014, 14:05
  • 4 627
  • Dunyo
  • Moskvadagi Domodedovo aeroporti bojxonachalari kuniga 1,5 million rubl miqdorida pora olgan

    Moskvadagi Domodedovo aeroporti bojxona xizmati xodimlari ming rubldan 10 ming rublgacha mayda poralar olish hisobidan har kuni 1,5 million rublgacha pul ishlashgan. Bu haqda “LifeNews”ga asoslanib “Kun.uz” xabar bermoqda.

    Ushbu poralar evaziga bojxona xizmati xodimlari hujjatlarni oson yo‘l bilan rasmiylashtirib berishgan yoki hatto yuklarni ko‘zdan kechirishmagan ham.

    Pora pullar umumiy bojxonachilar o‘rtasidagi umumiy g‘aznadan chetga chiqib ketmasligi uchun ular hatto o‘tkazish punktiga kuzatuv kameralarini ham o‘rnatib, bir-birlarining harakatlarini kuzatib borishgan.

    Videoyozuvlarda bojxonachilar yo‘lovchilarning pasportlari ichidan rubllarni olib cho‘ntaklariga solayotganlari yoki hujjatini ham ko‘rsatmay, yukini olib o‘tayotgan shaxslardan bilintirmasdan valyutalarni qabul qilib olayotganlari tasvirlangan.

    Nashr manbasiga ko‘ra, kuzatuv kameralaridagi video bojxona postining sobiq rahbari Rudolf Ziminning xonasiga bevosita translyasiya qilib turilgan. Ma’lumot uchun, 2012 yili Zimin, yillik maoshi 1,5 million rubl bo‘lgani holda, “Moskva-siti”dagi osmono‘par binolardan birida o‘ziga hozirda narxi 3,5 million rubl bo‘lgan pentxaus sotib olgan.

    Ekspertlarning fikricha, bojxona xodimlarining bunday faoliyati yaqin vaqt ichida iqtisodiy jinoyatlar chegarasidan chiqib ketishi va insonlarning qurbon bo‘lishiga ham olib kelishi mumkin.

    “Parvoz arafasida o‘tkazilgan tekshiruvlarda samolyotga olib chiqilishi taqiqlangan mahsulotlar, xavfli moddalar, qurollar topilgan. Bunday buyumlar yo‘lovchilarning qo‘l yukidan chiqishi bilan bog‘liq haqiqiy faktlar, aniq statistika bor”, – deydi transport xavfsizligi bo‘yicha ekspert Sergey Gruzd.

    Facebook орқали авторизация
    Ma'lumot

    Посетители, находящиеся в группе Гости, не могут оставлять комментарии к данной публикации.
    » » Moskvadagi Domodedovo aeroporti bojxonachalari kuniga 1,5 million rubl miqdorida pora olgan