Hajda rekord darajada ko‘p bola tug‘ildi

  • 15 avgust 2019, 23:23
  • 1 374
  • Dunyo
  • Hajda rekord darajada ko‘p bola tug‘ildi
    Bu yilgi Haj mavsumi davomida 8 nafar bola dunyoga keldi, deb yozadi «Kun.uz» nashri.

    Ulardan 5 nafari Makka shahri tug‘ruqxonalarida, 2 nafari Arafot vodiysida, yana 1 nafari Mino vodiysida tug‘ildi.
    Liviyalik muslima Suad Muhammad Barbush Arafot vodiysida tug‘ilgan o‘g‘liga Arafot deb ism qo‘ygan.

    Gvineyadan kelgan Maymuna Ali eri bilan Jabalur-Rohma tog‘iga ko‘tarilganida ko‘zi yorigan. Ular farzandiga saudiyalik toj vorisi sharafiga Muhammad Salmon deb ism qo‘yishdi.

    Hindistonlik oila esa o‘z qiziga Madina deb ism qo‘yishdi.

    Foto: islam-today.ru
    Arab News xabariga ko‘ra, bu yil 2,5 millionga yaqin musulmonlar Haj amalini ado qilishgan. 8 nafar bolaning tug‘ilishi esa rekord ko‘rsatkichdir.

    » » Hajda rekord darajada ko‘p bola tug‘ildi