Foto: «Skagway News»
Alyaskadagi «Skagway News» gazetasi o‘ziga yangi xo‘jayin qidirmoqda, deb yozmoqda «The Guardian». Narxi juda soz — 0 dollar. Tekin! Yangi xo‘jayindan ko‘p narsa talab qilinmayapti, o‘z ishining ustasi bo‘lsa va gazetaning porloq kelajagini ta’minlab bersa bas.
Ushbu e’lonni gazetaning hozirgi egasi va ayni paytda jurnalisti Larri Pers berdi. Uning uchun eng munosib nomzod — kichkina shaharchada gazetani eplab chiqara olgan inson.
«Bir narsani qulog‘ingizga quyib oling: mikrofonni basharasiga tutsangiz ko‘plarga ham yoqavermaydi. 550 adadli gazetangiz uchun milliy ahamiyatga ega voqealardan so‘zlab berishlariga ham umid qilmang; ammo ko‘plab mahalliy tadbirlardan chetda qolmaysiz», — deydi Larri Pers gazetada ishlashning «nozik jihatlari»ga to‘xtalarkan.
Yarim mingta tirajli gazetaning sayti (skagwaynews.com) ham bor, chakki emas!
Skagvay shaharchasi. Foto: «The Guardian»
Xullas, Persning nazarida, 1000 kishi yashovchi Skagvay shahriga kelib yashab, ishlashga rozi insongagina gazetani topshirsa bo‘ladi.
«Alyaskada yashab kelgan, shtatimizning past-balandlarini yaxshi biladigan inson yaxshi nomzod. Bu yerlar g‘alati. Printerga yetib olguncha 200 kilometr qor va muzliklarni, tog‘ dovonini bosib o‘tishingiz kerak», — qo‘shimcha qiladi jurnalist.
Darvoqe, Alyaskaga «boruvchilar» diqqatiga: qishda shaharchada hammayoq yopiladi, oziq-ovqat do‘koni bittagina, xolos. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Sariqmi yoki yashil: qaysi turdagi banan foydaliroq?
Toshkentda 02 kodli avtoraqamlar taxminan qachon paydo bo‘lishi aytildi
Ortiqcha vaznli insonlar uchun sog‘lom ovqatlanishning beshta muhim qoidasi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Lukashenko G‘arbga tahdid bilan chiqdi
Qaysi kundalik odatlar immunitet pasayishiga olib kelishini bilasizmi?
Germaniyada maktab o‘quvchilari ommaviy ravishda islom dinini qabul qilmoqda
AQSHning G‘azodagi siyosatidan norozi Davlat departamenti rasmiysi iste’foga chiqdi