Ish joyining saranjomligi — unumdorlik garovi

  • 12 mart 2017, 08:17
  • 4 591
  • Hayot tarzi
  • Ish joyining saranjomligi — unumdorlik garovi

    Mehnatimiz unumi biz ishlayotgan joyning muhitiga bevosita bog‘liq ekanligini ko‘pchilik bilmasligi mumkin. Atrofingizni tartibsiz qog‘ozlar, sochilib yotgan eski daftarlar va qalam-ruchkalar o‘rab olgan bo‘lsa, diqqatni bir joyga to‘plab olib biror ish qilish ham qiyin bo‘ladi. Bu maqolamizda biz sizga ishingizni unumli qilishga yordam beradigan ish joyini tashkil qilish sirlarini aytmoqchimiz.

    Hammasini to‘g‘ri joylashtiring

    Monitor ko‘z bilan bir xil balandlikda va sizdan 43–45 sm uzoqlikda joylashgan bo‘lishi kerak. Ko‘p ishlatiladigan narsalarni, masalan telefon yoki idora anjomlarini qo‘l etadigan joyga qo‘ying.

    Idora anjomlaridan oqilona foydalaning

    Stol ustida faqat kerakli anjomlarni qoldiring. Qolganlarini shkafga yoki boshqa joyga qo‘ying.

    Eslatma uchun qog‘ozchalardan kamroq foydalaning

    Monitor chekkasiga har xil rangdagi qog‘ozchalarni e’lonlar taxtasidagi kabi yopishtirib tashlash to‘g‘ri kelmaydi. Qog‘ozchalarni faqat eng muhim bo‘lgan eslatmalar uchun ishlating.

    Shaxsiy buyumlarni me’yoridan oshirib yubormang

    Ish joyida kasbiy va shaxsiy hayot o‘rtasidagi muvozanatni saqlash juda muhim. Ish stoliga oilaviy fotosuratlar, esdalik sovg‘alar va boshqa mayda-chuydalarni haddan tashqari ko‘p qo‘yish diqqatingizni chalg‘itadi va ishlashga xalal beradi.

    Elektron pochtadan foydalanishni qat’iy belgilab oling

    Email — internetdagi eng qulay aloqa vositasi hisoblanadi. Shunga qaramasdan, diqqatingiz chalg‘imasligi uchun bir kunda 2 marta pochtangizni tekshiring.

    Qog‘oz ishlari uchun bo‘sh joy qoldiring

    Ba’zan ish stolida qo‘lda hujjat qilishga joy topilmay qoladi. Stolning chap yoki o‘ng tomonida qog‘ozlar bilan ishlash uchun bo‘sh joy ajrating.

    Tez-tez tartibga keltirib turing

    Tartibsizlik ko‘pchilik kishilarga salbiy ta’sir qiladi, ya’ni e’tiborini chalg‘itadi va ishlashga xalal beradi. Shuning uchun ish joyingizni va ish stolingizni tez-tez yig‘ishtirib turing.

    Manba: «Daryo»

    Facebook орқали авторизация
    Ma'lumot

    Посетители, находящиеся в группе Гости, не могут оставлять комментарии к данной публикации.
    » » Ish joyining saranjomligi — unumdorlik garovi