Usik — yilning eng yaxshi bokschisi

  • 21 dekabr 2018, 14:28
  • 1 701
  • Sport
  • Usik — yilning eng yaxshi bokschisi
    Birinchi og‘ir (-90,7 kg) vazn toifasida mutlaq jahon chempioni sanalgan ukrainalik Aleksandr Usik ESPN talqiniga ko‘ra yilning eng yaxshi bokschisi deb topildi.

    ESPN talqiniga ko‘ra, eng yaxshi bo‘lish uchun nomzodlar orasida boshqa bir ukrainalik bokschi Vasiliy Lomachenko, meksikalik Mayki Garsiya, britaniyalik Entoni Joshua va amerikalik Moris Huker nomzodlari ko‘rsatib o‘tilgandi. Usik ularning barchasini ortda qoldirib birinchi o‘rinni egalladi.

    2018 yil ukrainalik bokschi uchun faoliyatidagi eng omadlisi bo‘ldi. Yanvarda u WBSS turniri yarim finalida latviyalik Mayris Briyedisni yengib, ikki yo‘nalishda jahon chempioniga aylangan bo‘lsa, iyulda bo‘lib o‘tgan finalda rossiyalik Murat Gassiyevni mag‘lubiyatga uchratib, o‘z vazn toifasidagi mutlaq chempionlik — to‘rtta kamar sohibi bo‘ldi. Shu bilan birga u Muhammad Ali nomidagi mukofotni yutgan ilk bokschiga aylandi.

    Noyabrda esa Usik sobiq jahon chempioni Toni Bellyuni nokautga uchratib, kamarlarini munosib himoya qildi.

    Facebook орқали авторизация
    Ma'lumot

    Посетители, находящиеся в группе Гости, не могут оставлять комментарии к данной публикации.
    » » Usik — yilning eng yaxshi bokschisi