Xabaringiz bor, shu kunlarda O‘zbekiston olimpiya terma jamoasi U-23 Osiyo chempionatiga tayyorgarlik ko‘rmoqda.
Har kunlik mashg‘ulotlar TTYMI stadionida bo‘lib o‘tyapti. Ma’lumki, kelasi yilning 8-26 yanvar kunlari Tailandda navbatdagi U-23 Osiyo chempionati bo‘lib o‘tadi. 26 sentyabr kuni Bangkokdagi "Rama Gardens" mehmonxonasida mazkur musobaqa uchun qur’a tashlash marosimi o‘tkaziladi.
Qur’a mexanizmiga ko‘ra, 16ta jamoa to‘rttadan to‘rt guruhga bo‘linadi va har bir guruhdan ikkitadan jamoa keyingi bosqichga yo‘l oladi. Musobaqa yakunida kuchli uchlikdan joy olgan jamoalar Tokio-2020 Olimpiada o‘yinlariga yo‘llanma oladi.
Bilasiz, Olimpiada o‘yinlari Yaponiya poytaxti Tokioda tashkil etiladi. Olimpiada o‘yinlarining futbol musobaqasi uchun Osiyoga mezbon Yaponiyadan tashqari yana uchta o‘rin ajratilgan. Agar Yaponiya olimpiya terma jamoasi U-23 Osiyo chempionatida yarim finalga qadar yetib boradigan bo‘lsa, unda to‘rtinchi o‘rinni qo‘lga kiritadigan jamoa qo‘shimcha imtiyozga ega bo‘ladi.
Hozirgi paytda 2020 yilgi U-23 Osiyo chempionatida o‘ynaydigan barcha 16ta jamoa ma’lum bo‘lib ulgurgan. Bular - Tailand, Qatar, Bahrayn, Iroq, BAA, Iordaniya, O‘zbekiston, KXDR, Janubiy Koreya, Yaponiya, Xitoy, Vetnam, Avstraliya, Eron, Suriya va Saudiya Arabistoni.
Shuningdek, savatchalar ham ma’lum. Biz qur’a paytida 1-savatchada bo‘lamiz.
1-savatcha: Tailand (mezbon), O‘zbekiston, Vetnam, Qatar
2-savatcha: Janubiy Koreya, Iroq, Yaponiya, KXDR
3-savatcha: Xitoy, Avstraliya, Iordaniya, Saudiya Arabistoni
4-savatcha: Suriya, Eron, BAA, Bahrayn.
Shunday qilib 26 sentyabr kungi qur’ada raqiblarimiz kim bo‘lishini bilib olamiz. Darvoqe Toshkentda yig‘in o‘tkazayotgan olimpiyachilarimiz tez orada eronlik tengqurlariga qarshi ikkita o‘rtoqlik uchrashuvida maydonga tushishadi. Eron olimpiyachilari bilan dastlabki bahs 6 sentyabr kuni Olmaliqda, ikkinchisi 9 sentyabrda Toshkentda, "Paxtakor" stadionida bo‘lib o‘tadi. Har ikki bellashuv 19:00da start oladi.
Manba: championat.asia “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
AQSHning G‘azodagi siyosatidan norozi Davlat departamenti rasmiysi iste’foga chiqdi
Mariya Zaxarova ukrainaliklarni Amerika hindulariga o‘xshatdi
Amerikalik olimlar barcha uchun birdek foydali jismoniy faollik turini aniqladi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Germaniyada maktab o‘quvchilari ommaviy ravishda islom dinini qabul qilmoqda
Zoir Mirzayev “Telefonsiz maktab”ga 300 mln so‘m mukofot berdi
Ispaniya va Gretsiya Kiyevga Patriot tizimlarini yetkazib berishdan bosh tortdi
Ruslar Abrams tanklarining zaif tomonini topishdi
