Туриннинг «Ювентус» клуби ва Франция терма жамоасининг собиқ ҳужумчиси Давид Трезеге яна Аргентинага йўл олди. У аввалроқ «Ривер Плейт» сафида ҳам тўп суриб, ҳатто Аргентинанинг иккинчи дивизионида чемпионликни қўлга киритган эди. Бу ҳақда euro-football.ru хабар беради.
Энди эса Трезеге клубга бошқа мақомда — раҳбарият таркибида қайтмоқда. «Ривер Плейт» уни бутун бошқарув жамоаси иштирокида расман таништирди, бироқ унинг аниқ лавозими ҳозирча очиқланмади.
Таъкидланишича, франсуз мутахассис клубнинг стратегик масалалари билан шуғулланади ҳамда «Ривер Плейт»ни институционал даражада вакиллик қилади. Эслатиб ўтамиз, Трезеге футболчилик фаолиятини 2015 йилда якунлаган.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
