Ер ажратиш ваъдаси билан 3 минг доллар олган амалдор ушланди
Андижон вилояти Жалақудуқ туманида кадастр бўлими раҳбари фуқарога ер ажратиш ваъдаси билан 3 минг доллар олгани учун ушланди. У, фуқарога ер майдони ажратилгани ҳақида асоссиз маълумот берган ва пулни қайтариб бераётган пайтда ушланган. Ҳозирда бу ҳолат бўйича жиноят иши қўзғатилиб, тергов ишлари олиб борилмоқда.
Андижон вилоятининг Жалақудуқ туманида кадастр бўлими раҳбарининг ноқонуний ҳаракатлари фош этилди.
Маълум қилинишича, у фуқарога ер майдони ажратиб беришни ваъда қилиб, 3 000 АҚШ долларини фирибгарлик йўли билан қўлга киритган. Текширувларга кўра, амалдор фуқарога гўёки маҳалла ҳудудидан ер ажратилгани ҳақида қарор чиқарилганини айтган.
Аслида эса бу маълумот асоссиз бўлиб, фуқаро алдангани аниқланган. Тезкор тадбир давомида бўлим ходими раҳбар топшириғи билан пулни қайтариб бераётган вақтида ушланган.
Ҳолат юзасидан Жиноят кодексининг тегишли моддаси асосида жиноят иши қўзғатилиб, тергов ишлари олиб борилмоқда.
Изоҳлар 0
…