«Барселона» бош мураббийи Ханс-Дитер Флик матбуот анжуманида жамоа стандарт вазиятлар устида қай даражада ишлагани ҳақидаги саволга жавоб берди. Ҳафта ўртасида каталонияликлар Прагада «Славия»ни 4:2 ҳисобида мағлуб этди, мезбонларнинг ҳар икки голи бурчак тўпидан кейин урилди. Бу ҳақда euro-football.ru хабар беради.
Фликнинг айтишича, Прагадаги учрашув ўзига хос бўлган: совуқ ҳаво жамоанинг ўйинга мослашишига вақт талаб қилган. Мураббий иккинчи гол эпизодини ҳам изоҳлаб, унда Левандовски реакцияга улгурмаганини таъкидлади.
«Мен жамоамга ишонаман: аввал ҳам ҳимояда яхши ўйнаганмиз. Қолаверса, «Барселона» тарихан бўйи баланд футболчиларга жуда бой бўлмаган — бу вазиятни тўғри бошқариш масаласи», деди Флик журналистларга.
Якшанба куни «Барселона» ўз майдонида «Реал Овьедо»га қарши ўйин ўтказади.
“Zamin”ни Telegram'да ўқинг!
