Италия А Сериясининг 34-турида «Интер» сафарда «Торино»га қарши баҳс олиб бориб, драматик дуранг қайд этди. Учрашув 2:2 ҳисобида якунланиб, миланликлар ғалабани қўлдан чиқарди.
Беллашувнинг биринчи қисмида «Интер» ўйинни тўлиқ назорат қилди. 23-дақиқада Маркус Тюрам ҳисобни очган бўлса, иккинчи бўлимда Ян Биссек устунликни янада мустаҳкамлади — 2:0. Шу пайтга келиб, «нерадзурри» осон ғалаба сари кетаётгандек эди.
Бироқ ўйин сўнгги дақиқалари кутилмаган бурилишга бой бўлди. 70-дақиқада Симеоне ҳисобни қисқартирди, ортидан 79-дақиқада Власич яна бир гол уриб, ҳисобни тенглаштирди. Шу тариқа, «Торино» қисқа вақт ичида камбэк амалга ошириб, «Интер»дан муҳим очко тортиб олди.
А Серия. 34-тур
Торино – Интер 2:2
Голлар: Симеоне 70, Власич 79 – Тюрам 23, Биссек 61
Торино – Палеари, Коко (МариануччиЮ 53), Исмажли, Эбоссе, Лазаро, Илҳан, Гинеитис, Обрадор, Власич, Симеоне, Адамс (Запата, 67).
Интер – Зоммер, Биссек, Аканжи, Дармиан, Барелла, Зиелински, Сучич (Мхитарян, 80), Димарко (Диуф, 80), Бонни (Эспозито, 61), Тюрам.
Ушбу натижадан сўнг «Интер» очколарини 79 тага етказиб, турнир жадвалида етакчиликни сақлаб қолди. «Торино» эса 41 очко билан 13-поғонада қолмоқда.
Қисқача айтганда, «Интер» учун бу дуранг мағлубият билан тенг йўқотишга айланди. Чемпионлик пойгасида ҳар бир очко муҳим эканини ҳисобга олсак, бундай хатолар қимматга тушиши мумкин.
“Zamin”ни Telegram'да ўқинг!
