Барнохон Сайфуллаева Саньяда Ўзбекистон учун олтин медални қўлга киритди
Хитойнинг Санья шаҳрида ўтказилаётган VI Осиё соҳил ўйинларида Барнохон Сайфуллаева баландликка сакраш бўйича Ўзбекистон терма жамоасига илк олтин медални тақдим этди. Спортчимиз 1,85 метр натижа қайд этиб, кумуш ва бронза медалини қўлга киритган мезбон Хитой вакилларини ортда қолдирди. Сайфуллаеванинг ушбу кўрсаткичи турнирнинг энг юқори натижаси сифатида эътироф этилди. Ҳозирда Ўзбекистон делегацияси ушбу муваффақият билан мусобақадаги иштирокини давом эттирмоқда.
Хитойнинг Саня шаҳрида ўтказилаётган VI Осиё соҳил ўйинларида Ўзбекистон терма жамоаси ўзининг илк олтин медалига эга чиқди. Ушбу муваффақиятни соҳил енгил атлетикаси бўйича баҳсларда Барнохон Сайфуллаева қайд этди. Бу ҳақда Uzdaily.uz хабар беради.
Баландликка сакраш йўналишида иштирок этган спортчимиз 1,85 метр натижа билан барча рақибларини ортда қолдирди. Сайфуллаеванинг ушбу кўрсаткичи турнирнинг энг юқори натижаси сифатида қайд этилди.
Кумуш ва бронза медаллари мезбон Хитой вакилларига насиб қилди. Ҳар икки хитойлик спортчи 1,83 метр баландликни забт этган бўлса-да, уринишлар сонига кўра совринли ўринларни бўлишиб олишди.
Ҳозирда Ўзбекистон делегацияси ҳисобидаги ягона олтин медаль айнан Сайфуллаева томонидан тақдим этилди. Мусобақалар давом этмоқда.
Изоҳлар 0
…