Германиянинг "Audi" компанияси Пекин автосалонида махсус Хитой бозори учун мўлжалланган A6L э-трон электр седанини намойиш этди. "Audi FAW" қўшма корхонаси томонидан ишлаб чиқариладиган ушбу модель машҳур A6L сериясининг тўлиқ электрлаштирилган давомчиси ҳисобланади. Бу ҳақда Ixbt.com хабар беради.
Янги электромобилнинг асосий ўзига хослиги унинг ғилдирак базаси оддий моделга нисбатан 132 мм га узайтирилганидир. Бу ўзгариш орқа ўриндиқдаги йўловчилар учун қўшимча қулайлик яратади.
Кузов дизайнида узунроқ орқа эшиклар ва ўзгартирилган том чизиғи кўзга ташланади, аэродинамик қаршилик коеффитсиенти эса 0,22 ни ташкил этади.
Техник жиҳатдан энг кучли версия 543 от кучи ва 779 Нм айланиш моментига эга иккита электр двигатель билан жиҳозланган. Автомобиль 100 км/соат тезликка 4,3 сонияда эришади.
107 kVt/соат сиғимли аккумулятор CLTC цикли бўйича бир қувватланишда 815 км масофани босиб ўтиш имконини беради.
Электромобиль 800 вольтли платформада қурилган бўлиб, тезкор қувватланиш тизимини қўллаб-қувватлайди. Бу орқали энергия захирасини 21 дақиқа ичида 10 фоиздан 80 фоизгача тўлдириш мумкин.
Салонда 11,9 дюймли рақамли панел, 14,5 дюймли мультимедиа экрани ва олд йўловчи учун алоҳида дисплей ўрнатилган.
Хитой бозорида янги моделнинг нархи 310 мингдан 440 минг юангача (тахминан 3,4–4,85 млн рубль) этиб белгиланган. Автомобиль шунингдек рақамли йон кўзгулар, массаж функцияли ўриндиқлар ва "Банг & Олуфсен" акустика тизими билан жиҳозланган.
“Zamin”ни Telegram'да ўқинг!
