"Марсел" мураббийи Артетанинг шогирдини захирага михлаб қўйди
«Марсель» бош мураббийи Хабиб Бее «Арсенал»дан ижарага олинган Этан Нванерининг машғулотлардаги иштиёқи ва масъулиятидан норозилигини очиқ билдирди. Жамоада жароҳатлар билан боғлиқ муаммолар бўлишига қарамай, 19 ёшли футболчи интизоми сабабли «Нитса»га қарши ўйинда захирада қолдирилди. Мураббий фақат ўз устида қаттиқ ишлайдиган ўйинчиларга имконият беришини таъкидлаб, ёш иқтидор эгасини жиддий огоҳлантирди. Агар Нванери ўз муносабатини ўзгартирмаса, мавсумнинг қолган қисмини ўйин амалиётисиз ўтказиши мумкин.
"Марсел" бош мураббийи Хабиб Бее "Арсенал" клубидан ижарага олинган ярим ҳимоячи Этан Нванерига нисбатан очиқчасига огоҳлантириш билан чиқди. Мураббий 19 ёшли футболчининг кундалик машғулотлардаги иштиёқи ва масъулиятидан норози эканини билдирди. Бу ҳақда Goal.com хабар беради.
"Марсел" таркибида жароҳатлар билан боғлиқ жиддий муаммолар юзага келганига қарамай, Нванери "Нитса"га қарши ўйинда захира ўриндиғида қолдирилди. Бее машғулот жараёнида ўзини кўрсатган ва кўпроқ меҳнат қилаётган футболчиларга ишонч билдиришини таъкидлади.
Француз клуби устози ёш иқтидор эгасидан ўз устида ишлашни ва жамоага бўлган садоқатини оширишни талаб қилмоқда. Акс ҳолда, футболчи мавсумнинг қолган қисмида ҳам ўйин амалиётисиз қолиб кетиши мумкин.
Изоҳлар 0
…