«Челси» жамоасининг афсонавий футболчиси Жо Коул Англия кубоги доирасидаги «Лидс»га қарши ўйиндан сўнг ярим ҳимоячи Энцо Фернандеснинг ҳаракатларига юқори баҳо берди. Аргентиналик футболчи учрашувда ягона гол муаллифига айланиб, ўз жамоасининг ғалабасини таъминлади. Бу ҳақда Goal.com хабар беради.
Уэмбли стадионида кечган баҳсда «Челси» 1:0 ҳисобида қийин ғалабага эришди. Жо Коул Фернандесни ҳақиқий «жангчи» деб атади ва унинг майдондаги етакчилик қобилиятини алоҳида эътироф этди.
Бу ғалаба клуб атрофидаги танқидларни бироз бўлса-да пасайтиришга хизмат қилди.
Коулнинг таъкидлашича, Фернандес клуб учун мураккаб даврда ўзининг энг яхши хислатларини намойиш этмоқда. Ярим ҳимоячининг ўйини нафақат мухлислар, балки мутахассислар томонидан ҳам ижобий баҳоланмоқда.
Мазкур натижа лондонликларга турнирнинг кейинги босқичига йўлланмани тақдим этди.
“Zamin”ни Telegram'да ўқинг!
