Туриннинг «Ювентус» клуби ва Франция терма жамоасининг собиқ ҳужумчиси Давид Трезеге Аргентинага яна қайтди. У аввалроқ «Ривер Плейт» сафида тўп суриб, ҳатто Аргентина футболининг иккинчи лигасида чемпионликни ҳам қўлга киритганди. Бу ҳақда euro-football.ru хабар беради.
Эндиликда Трезеге клубга майдондаги рол учун эмас, балки раҳбарият таркибида ишлаш учун келмоқда. «Ривер Плейт» уни бутун бошқарув жамоаси иштирокида таништириш маросими орқали оммага тақдим этди.
Трезегенинг клубдаги аниқ лавозими ҳозирча очиқланмади, бироқ у стратегик масалалар билан шуғулланиши ва «Ривер Плейт»ни институционал даражада вакиллик қилиши маълум қилинди.
Эслатиб ўтамиз, франсуз футболчи профессионал фаолиятини 2015 йилда якунлаган.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
