Huawei 5,3 Гбит/с тезликдаги Wi-Fi Х роутерини сотувга чиқарди
Huawei компанияси Хитой бозорида 5,3 Гбит/с гача тезликни таъминловчи янги Wi-Fi Х мобил роутерини сотувга чиқарди. Қурилма 16 та ички антенна ва икки қатламли графенли совутиш тизими билан жиҳозланган бўлиб, юқори юкламаларда ҳам барқарор ишлаш имкониятига эга. 12 000 мАч сиғимли аккумулятор гаджетнинг 24 соат давомида қувватлантиришсиз ишлашини таъминлайди. Тахминан 345 доллар нархланган ушбу роутер 4К видеоларни кўриш ва йирик ҳажмли файлларни тезкор алмашиш учун махсус оптималлаштирилган.
"Huawei" компанияси Хитой бозорида ўзининг янги Wi-Fi Х мобил роутерини 2499 юань (тахминан 345 доллар) нархда сотувга чиқарди. Қурилма учта ташувчи частотани бирлаштириш технологияси ва тўрт каналли узаткич билан жиҳозланган бўлиб, юклаш тезлигини 5,3 Гбит/с гача, маълумот узатишни эса 1000 Мбит/с гача етказади. Бу ҳақда Ixbt.com хабар беради.
Янги гаджет корпуси ичига 16 та антенна жойлаштирилган бўлиб, улар 360 даражали қамровни таъминлайди. Қурилманинг барқарор ишлаши учун икки қатламли графендан иборат махсус совутиш тизими қўлланилган, бу эса юқори юкламаларда ҳам қизиб кетишнинг олдини олади.
Роутер 12 000 mAch сиғимли аккумулятор билан таъминланган бўлиб, у қувватлантирмасдан 24 соат давомида ишлаш имконини беради. Шунингдек, қурилма 4К форматдаги видеоларни узлуксиз кўриш ва йирик ҳажмли файлларни тезкор алмашиш учун оптималлаштирилган.
Изоҳлар 0
…