Дунёдаги энг йирик рақам аниқлаш платформаларидан бири бўлган "Труеcаллер" ўзининг асосий бозорларида ўсиш суръати секинлашиши ва рақобат кучайиши каби қийинчиликларга дуч келмоқда. Ҳозирда 500 миллиондан ортиқ фойдаланувчига эга компания учун Ҳиндистон энг йирик бозор бўлиб қолмоқда, бироқ бу ерда юклаб олишлар сони 2025 йилда 16 фоизга камайган. Бу ҳақда Techcrunch.com хабар беради.
Компаниянинг молиявий ҳолати ҳам инвесторларда хавотир уйғотмоқда. 2021 йилдаги ИПОдан бери акциялар нархи 78 фоизга тушиб кетди.
Бунга қисман Google билан боғлиқ реклама алгоритмларидаги муаммолар ва реклама даромадларининг камайиши сабаб бўлган. Ҳозирда компания даромадининг қарийб 70 фоизи айнан реклама сегментига тўғри келади.
Вазиятни ўнглаш учун "Труеcаллер" сунъий интеллектга асосланган ёрдамчи ва оилавий ҳимоя каби пуллик обуна хизматларини кенгайтирмоқда. Шунингдек, бизнес мижозлар учун мўлжалланган хизматлар сегменти 39 фоизга ўсган.
Компания раҳбари Ришит Жҳунжҳунwала янги технологиялар рақобатни эмас, балки муаммонинг долзарблигини тасдиқлашини таъкидлади.
Apple ва Google каби технологик гигантлар ўз операцион тизимларига рақам аниқлаш функцияларини қўшиши учинчи томон иловаларига бўлган эҳтиёжни камайтириши мумкин. Шунга қарамай, "Труеcаллер" ўзининг шахсий реклама биржасини яратиш ва iOS платформасидаги улушини ошириш орқали бозорга мослашишга ҳаракат қилмоқда.
“Zamin”ни Telegram'да ўқинг!
