OpenAI раҳбари Сэм Альтман сунъий умумий интеллект (AGI) бутун инсоният манфаати учун хизмат қилишини таъминлайдиган бешта асосий тамойилни тақдим этди. Ушбу технология одамларга бугунги кунда тасаввур қилиш қийин бўлган имкониятларни бериши ва ҳаёт сифатини тубдан яхшилаши кутилмоқда. Бу ҳақда Openai.com хабар беради.
Демократлаштириш тамойилига кўра, компания технология устидан назорат бир неча лабораториялар қўлида тўпланиб қолишига қаршилик қилади. Муҳим қарорлар демократик жараёнлар ва тенглик асосида қабул қилиниши, сунъий интеллект эса имкон қадар кўпроқ одамлар учун очиқ бўлиши лозим.
Имкониятларни кенгайтириш йўналишида фойдаланувчиларга ўз мақсадларига эришиш ва бахтлироқ ҳаёт кечириш учун эркинлик берилади. Шу билан бирга, технологиядан фойдаланишда юзага келиши мумкин бўлган хавфларни камайтириш ва жамиятга зарар етказмаслик масъулияти ҳам сақланиб қолади.
Умумий фаровонликни таъминлаш учун OpenAI ҳукуматлар билан янги иқтисодий моделларни кўриб чиқишга тайёр. Компания бутун дунё бўйлаб маълумотлар марказларини қуриш ва инфратузилма харажатларини камайтириш орқали ҳар бир инсон қиймат яратиш жараёнида иштирок этишини истайди.
Чидамлилик ва мослашувчанлик тамойиллари доирасида янги хавфларга қарши ҳукуматлар билан ҳамкорлик қилинади. Сунъий интеллект ривожланиши кутилмаган натижалар бериши мумкинлигини инобатга олиб, компания ўз иш услубини вазиятга қараб ўзгартириб боришини ва шаффофликни сақлашини билдирди.
“Zamin”ни Telegram'да ўқинг!
