«Барселона»нинг собиқ ярим ҳимоячиси Александр Глеб Беларусь терма жамоасининг Виктор Ганчаренко қўл остидаги истиқболлари ҳақида фикр билдирди. Бу ҳақда euro-football.ru хабар беради.
Глебнинг айтишича, Ганчаренко учун терма жамоани Европа чемпионатига олиб чиқиш осон бўлмайди. У терма жамоа ва клубдаги мураббийлик бутунлай бошқа иш эканини таъкидлаб, Виктор Михайлович янги вазифага қандай мослашишини вақт кўрсатишини «RB Sport»га айтди.
Шу билан бирга, собиқ футболчи қандай ҳолат бўлишидан қатъи назар, жамоа ва мураббийларни қўллаб-қувватлашини билдирди. Унинг умиди — Ганчаренко билан Беларусь терма жамоаси олдинга қадам ташлаши.
Маълумот учун, белоруслар келаси ёз АҚШ, Канада ва Мексикада бўлиб ўтадиган жаҳон чемпионатига саралашдан ўта олмади.
“Zamin”ни Telegram'да ўқинг!
