Apple компанияси март ойида якунланган чоракда 111,2 миллиард доллар даромад қилиб, ўзининг энг яхши натижасини қайд этди. Компаниянинг амалдаги раҳбари Тим Кук бу ўсиш барча ҳудудларда кузатилганини таъкидлади. Бу ҳақда Techcrunch.com хабар беради.
Бироқ, Кук яқин келажакда хотира чиплари таъминоти билан боғлиқ муаммолар бизнесга салбий таъсир кўрсатиши мумкинлигидан огоҳлантирди. Сунъий интеллект соҳасининг жадал ривожланиши чипларга бўлган талабни кескин ошириб, тақчилликни юзага келтирмоқда.
Ушбу ҳолат саноатда "РАМагеддон" деб аталмоқда ва аппарат таъминоти нархларининг кўтарилишига олиб келмоқда. Хабарларга кўра, хотира чиплари нархи тўрт баробар ошган бўлиб, бу бевосита iPhone ишлаб чиқариш харажатларига таъсир қилади.
Натижада, Apple смартфонлар нархини оширишга мажбур бўлиши мумкин.
Шунингдек, компания раҳбариятида ўзгаришлар юз бермоқда. 1 сентябрдан бошлаб Жон Тернус Apple компаниясининг янги бош директори лавозимига киришади.
Тим Кук эса ижрочи раис сифатида фаолиятини давом эттиради.
Тернус ўз нутқида Кукни барча даврларнинг энг буюк бизнес етакчиларидан бири деб атади. У янги лавозимга тайинланишини катта шараф эканлигини ва Кукнинг ишончини оқлашга ҳаракат қилишини билдирди.
“Zamin”ни Telegram'да ўқинг!
