Бугун Мадриднинг «Реал» жамоаси Чемпионлар лигаси умумий босқичининг сўнгги турида «Бенфика»га қарши майдонга тушади. Бу ҳақда euro-football.ru хабар беради.
Ўйинолди матбуот анжуманида журналистлар «қаймоқранглилар» бош мураббийи Алваро Арбелоага футболчиларнинг ҳозирги руҳий ҳолати ва жамоа кайфияти уни қониқтиряптими, деган саволни берди. Миш-мишларга кўра, мураббийлар алмашинувидан аввал жамоада психологик муаммолар сезилганди.
Арбелоа эса тайинланганидан бери кўраётган манзарасига таяниб, футболчилар ғалаба учун зарур бўлган ҳамма нарсага — фидойилик, меҳнат ва курашга — тўлиқ тайёр эканини таъкидлади. Шунингдек, у «Реал» бундан ҳам яхшироқ ўйнаши мумкинлигини айтиб, бунинг учун вақт ва мунтазам иш зарурлигини қўшимча қилди. Арбелоа ой ўрталарда Хаби Алонсонинг ўрнини эгаллаган.
«Бенфика» — «Реал» учрашуви 01:00 да (Тошкент вақти билан) старт олади.
“Zamin”ни Telegram'да ўқинг!
