Криштиану Роналду мураббий билан келишувга кўра ОФК Чемпионлар лигаси 2 (Осиёдаги клублар ўртасидаги иккинчи даражали турнир) гуруҳ босқичи учрашувларида майдонга тушмаяпти. Шунга қарамай, саудияликлар етакчисиз ҳам барқарор натижа кўрсатмоқда. Бу ҳақда euro-football.ru хабар беради.
Чоршанба куни «Ал-Наср» гуруҳдаги бешинчи ўйинида ҳам ғалаба қозонди: Тожикистонда «Истиқлол» 4:0 ҳисобида тор-мор этилди ва жамоа гуруҳни биринчи ўринда якунлаб, кейинги босқичга йўл олди.
Учрашувдан сўнг Роналду ижтимоий тармоқларда «Ал-Наср»нинг пешқадам сифатида навбатдаги босқичга чиққанлиги ҳақидаги хабарни улашди ва унга атиги икки эмодзи — олов ҳамда қарсак — билан муносабат билдирди.
40 ёшли ҳужумчининг «Ал-Наср» билан амалдаги шартномаси 2027 йил ўрталаригача мўлжалланган.
“Zamin”ни Telegram'да ўқинг!
