Эмре Кивилжим ва Юлдуз Ражабова Тошкентда бўладиган тўй таклифномаларини тарқатишни бошлади
Турк актёри Эмре Кивилжим ва ўзбек актрисаси Юлдуз Ражабова Тошкентда бўлиб ўтадиган тўйларига таклифнома тарқатишни бошлашди. Ушбу қувончли хабарни актриса Раъно Шодиева тасдиқлаб, "Мендирман Жалолиддин" сериалидаги "фарзандлари"нинг бахтидан мамнун эканини билдирди. Маълум бўлишича, жуфтлик ўртасидаги муҳаббат айнан мазкур тарихий фильмни суратга олиш жараёнларида бошланган. Яқин кунларда кутилаётган никоҳ маросими ижодий жамоа ва мухлисларнинг диққат марказида бўлиб турибди.
Ижтимоий тармоқларда актёр Эмре Кивилжим ва актриса Юлдуз Ражабованинг тўйи арафасида экани ҳақида хабарлар тарқалди.
Маълум қилинишича, жуфтлик Тошкентда бўлиб ўтадиган никоҳ маросими учун таклифномалар тарқатишни бошлаган.
Тарқалган видеоларда актриса Раьно Шодиева ҳам ушбу қувончли воқеа ҳақида фикр билдирган.
У ўз саҳифасида ёзган изоҳида "Мендирман Жалолиддин" фильмидаги “фарзандлари”нинг турмуш қураётганидан хурсанд эканини таъкидлаган.
Раьно Шодиевага кўра, ушбу муҳаббат барчанинг кўз ўнгида пайдо бўлган ва ижодий жамоа уларни доимо қўллаб-қувватлаб келган.
Актриса, шунингдек, яқин кунларда бўлиб ўтадиган тўйда ёшлар бахтидан қувониб, улар билан бирга рақсга тушишини ҳам айтиб ўтган.
Изоҳлар 0
…