Криштиану Роналду клуб бошқарувидан норози бўлиб, «Ал-Наср»нинг айрим ўйинларини бойкот қилаётгани ҳақида хабарлар тарқалди. Вазият юзасидан саудиялик телебошловчи Валид ал-Фараж кескин фикр билдирди. Бу ҳақда euro-football.ru хабар беради.
Ал-Фаражга кўра, Саудия Арабистони спорт тизими ва лига регламенти «қизил чизиқ» ҳисобланади: жаҳон юлдузи мақоми ҳам қоидалардан четга чиқиш ҳуқуқини бермайди. У Роналду регламентни ҳурмат қилиши ва белгиланган тартибларга риоя этиши шартлигини таъкидлади.
«Саудия лигаси ҳар қандай футболчидан устун. Биз Роналдунинг олдида тиз чўкмаймиз. Нима, уни илтимос қилишимиз керакми? Мамлакатимиз ва лигамиз ҳаммасидан юқори», — деди ал-Фараж.
Эслатиб ўтамиз, Роналду ва «Ал-Наср» ўртасидаги шартнома 2027 йилнинг ўрталаригача амал қилади.
“Zamin”ни Telegram'да ўқинг!
