Аргентина футболининг гиганти «Бока Хуниорс» спорт директори лавозимига янги номни эълон қилди — бу вазифани Марсело Делгадо бажаради. У клуб президенти, «Барселона»нинг собиқ футболчиси Хуан Рикелме билан яқин ҳамкорликда ишлайди. Бу ҳақда euro-football.ru хабар беради.
Клуб таркибини тез фурсатда кучайтириш зарурати борлиги айтилиб, энди Делгадо ҳамда Рикелме ушбу йўналишда аниқ қарорлар устида ишлаши кутилмоқда.
Марсело Делгадо футболчилик фаолиятида ҳам катта тажриба тўплаган: у Аргентина терма жамоасида 1995–2002 йиллар оралиғида 18 та учрашувда майдонга тушган, жумладан 1998 йилги жаҳон чемпионатида ҳам иштирок этган.
Шунингдек, Делгадо 2003 йилда Либертадорес кубогининг энг яхши тўпурари бўлган — у бу натижани «Сантос» ҳужумчиси, бразилиялик Рикардо Оливейра билан бирга қайд этган.
“Zamin”ни Telegram'да ўқинг!
