Apple Апп Сторе устидан суд жараёнида яна мағлуб бўлди
Apple компанияси Апп Сторе дўконидаги тўлов тизимига оид ўзгаришларни тўхтатиш ҳақидаги илтимосини АҚШнинг Тўққизинчи округ апелляция суди рад этди. Суд, Эпиc Гамес ва Apple ўртасидаги ҳуқуқий курашда дастурчиларга иловалар ичида ташқи тўлов тизимларига ҳаволалар жойлаштиришга рухсат беришни талаб қилди. Бу қарор Apple'нинг комиссия ундириш имкониятини чеклайди ва дастурчилар учун муҳим ғалаба сифатида баҳоланмоқда. Якуний хулоса АҚШ Олий суди томонидан чиқарилиши кутилмоқда.
АҚШнинг Тўққизинчи округ апелляция суди Apple компаниясининг Апп Сторе дўконидаги тўлов тизимига оид ўзгаришларни тўхтатиб туриш ҳақидаги илтимосини рад этди. Ушбу қарор Эпиc Гамес ва Apple ўртасидаги узоқ давом этаётган ҳуқуқий курашнинг навбатдаги босқичи бўлди. Бу ҳақда Techcrunch.com хабар беради.
Эндиликда iPhone ишлаб чиқарувчиси дастурчиларга иловалар ичида ташқи тўлов тизимларига ҳаволалар жойлаштиришга рухсат бериши шарт. Аввалроқ суд Apple компаниясига Олий суд кўригини кутиш вақтида ушбу ўзгаришларни вақтинча кечиктириш ҳуқуқини берган эди.
Эпиc Гамес вакиллари Apple ҳаракатларини «навбатдаги пайсалга солиш тактикаси» деб атади ва судни қарорни қайта кўриб чиқишга кўндирди. Суд ҳайъати Apple ўзгаришлар кучда қолиши натижасида тузатиб бўлмайдиган зарар кўришини исботлай олмаганини таъкидлади.
Мазкур қарор дастурчилар учун катта ғалаба сифатида баҳоланмоқда, чунки у Apple компаниясининг АҚШдаги Апп Стореъдан ташқарида амалга оширилган харидлар учун комиссия ундириш имкониятини чеклайди. Якуний хулоса АҚШ Олий суди томонидан чиқарилиши кутилмоқда.
Изоҳлар 0
…