"Ал-Наср" бош мураббийи Жорже Жезуш Криштиану Роналдунинг нега навбатдаги учрашувда майдонга тушмаслигини изоҳлади. Бу ҳақда euro-football.ru хабар беради.
Ар-Риёд клуби чоршанба куни ОФК Чемпионлар Лигаси доирасида "Аркадаг"га қарши ўйнайди. Португалиялик юлдуз ҳужумчининг яқин орада майдонга қайтиши кутилаётган бўлса-да, бу сафар ҳам у жамоа қайдномасидан жой олмайди.
"Жадвал жуда тиғиз. Шу сабаб Роналдо ва асосий таркибдаги яна бир қатор футболчиларга дам беришга қарор қилдик — олдинда "Ал-Фатеҳ"га қарши жуда муҳим ўйин бор", — деди Жезуш. Мураббий сўзларини Al Nassr Zone келтирди.
Жезушнинг таъкидлашича, Роналдунинг сафардаги баҳсларда қатнашмаслиги янгилик эмас: бу Саудия Арабистонидан ташқарида ўтадиган учрашувларни ўтказиб юбораётган илк ҳолат эмас.
Саудия чемпионати доирасидаги "Ал-Фатеҳ" — "Ал-Наср" учрашуви шанба, 14-февраль куни бўлиб ўтади.
“Zamin”ни Telegram'да ўқинг!
