Сешанба оқшомида бўлиб ўтган Й Комбинатор тадбирида OpenAI раҳбари Sam Altman кутилмаган баёнот берди. У жорий йилда дастурда иштирок этаётган ҳар бир стартапга компания улуши эвазига 2 миллион доллар қийматидаги OpenAI токенларини тақдим этишни таклиф қилди. Бу шуни англатадики, OpenAI стартапларга нақд пул эмас, балки ўз маҳсулотларини яратиш учун зарур бўлган сунъий интеллект ресурсларини сармоя сифатида киритади. Бу ҳақда Techcrunch.com хабар беради.
Й Комбинатор каталогига кўра, ушбу оқимда тахминан 169 та стартап мавжуд. Ҳар бир стартап ушбу келишув учун қанча улуш бериши ҳозирча аниқ эмас. Бу стартапнинг биринчи расмий инвестиция босқичидаги (Сериес А) қийматига боғлиқ бўлади. Й Комбинатор бошқарувчи директори Жаред Фриедман ушбу келишув "ункаппед САФE" шаклида амалга оширилишини, яни компания қийматига юқори чегара қўйилмаслигини таъкидлади.
Ушбу стратегия OpenAI учун икки томонлама манфаат келтириши кутилмоқда. Биринчидан, компания истиқболли стартапларнинг акциядорига айланади. Иккинчидан, янги лойиҳаларни ўз экотизимига боғлаб қўяди. Бу эса стартапларнинг Anthropic каби рақобатчилар платформаларига ўтиб кетмаслигини таъминлайди.
Экспертларнинг фикрича, сунъий интеллект хизматлари таннархи пасайиб бораётган бир пайтда, OpenAI бугун бераётган токенлар келажакда компания учун жуда арзон тушиши мумкин. Бунинг эвазига олинадиган компания улушлари эса вақт ўтиши билан бир неча баробар қимматлашиши эҳтимоли юқори.
“Zamin”ни Telegram'да ўқинг!
