«Ал-Наср» бош мураббийи Жорже Жезуш Криштиану Роналду нега яқинлашиб келаётган ўйинда майдонга тушмаслигини изоҳлади. Бу ҳақда euro-football.ru хабар беради.
Ар-Риёд клуби чоршанба куни ОФК Чемпионлар лигаси доирасида «Аркадаг»га қарши баҳс олиб боради. Юлдузли португалиялик ҳужумчи бойкотдан кейин тез орада қайтиши кутилган эди, бироқ бу учрашувда ҳам у таркибда бўлмайди.
«Жадвал жуда зич. Шунинг учун Роналдуни ҳам, асосий таркибдаги яна бир қатор футболчиларни ҳам дам олдиришга қарор қилдик. Олдинда “Ал-Фатеҳ”га қарши муҳим ўйин бор», — деди Жезуш. Мураббий сўзларини Al Nassr Zone келтирди.
Жезушнинг таъкидлашича, Роналдунинг дам олиши янгилик эмас: у Саудия Арабистонидан ташқарида ўтадиган ўйинларда биринчи бор майдонга тушмаётгани йўқ.
Саудия чемпионатидаги «Ал-Фатеҳ» — «Ал-Наср» учрашуви шанба, 14-февраль куни бўлиб ўтади.
“Zamin”ни Telegram'да ўқинг!
