«Ал-Наср» бош мураббийи Жорже Жезуш Криштиану Роналдунинг яқинлашиб келаётган учрашувда майдонга тушмаслиги сабабини изоҳлади. Бу ҳақда euro-football.ru хабар беради.
Ар-Риёд клуби чоршанба куни ОФК Чемпионлар лигаси доирасида «Аркадаг»га қарши ўйнайди. Португалиялик юлдуз ҳужумчи тез орада яна сафга қайтиши кутилaётган бўлса-да, бу сафар ҳам у жамоа рўйхатидан жой олмайди.
Жезушнинг таъкидлашича, мураббийлар штаби тиғиз тақвим сабаб Роналдуни ва асосий таркибдаги бир нечта футболчини асрашга қарор қилган. Чунки олдинда чемпионатдаги муҳим «Ал-Фатех»га қарши баҳс бор.
Al Nassr Zone келтирган иқтибосда мураббий: Роналдунинг дам олиши янгилик эмас, у Саудия Арабистонидан ташқарида ўтказиладиган учрашувларни аввал ҳам бир неча бор ўтказиб юборган, деди.
Саудия чемпионати доирасидаги «Ал-Фатех» — «Ал-Наср» учрашуви шанба, 14-февраль куни бўлиб ўтади.
“Zamin”ни Telegram'да ўқинг!
