Ўзбекистонда 2027 йилдан бошлаб мактаб битирув ва олий таълим муассасаларига кириш имтиҳонларини бирлаштирувчи ягона давлат имтиҳони тизими йўлга қўйилади. Мазкур янгилик таълим жараёнини соддалаштириш ва ўқувчилар юкламасини камайтиришга хизмат қилади.
Янги тартибга кўра, ўқувчилар иккита мажбурий фан — она тили ва математика фанларидан синовдан ўтадилар. Шунингдек, танланган йўналиш ва мутахассисликка қараб яна иккита қўшимча фан бўйича имтиҳон топшириш талаб этилади.
Имтиҳонларда иштирок этиш учун рўйхатдан ўтиш жараёни ҳар йили 1 январдан 31 мартгача давом этади. Тизим дастлаб 2026–2027-ўқув йилида айрим ҳудудларда синовдан ўтказилади, 2027–2028 йилларда эса бутун мамлакат бўйлаб татбиқ қилинади.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
