Тухел Фоденни JCH қайдномасидан тушириб қолдириши мумкин
Англия терма жамоаси бош мураббийи Томас Тухел Фил Фоденнинг жаҳон чемпионатидаги иштирокини шубҳа остига олди. У футболчининг клубдаги яхши ўйинини халқаро майдонда кўрсата олмаётганидан хавотирда. Фоденнинг терма жамоа сафидаги самарадорлиги паст эканини таъкидлаб, Тухел унинг июн ойидаги турнирга киритилиши мумкин эмаслигини маълум қилди. Фоденга эса «Ман Сити»даги ўйинларига эътиборини қаратиш тавсия этилди.
Англия терма жамоаси бош мураббийи Томас Тухел «Ман Сити» юлдузи Фил Фоденнинг жаҳон чемпионатидаги ўрни борасида жиддий огоҳлантириш берди. Мураббий футболчининг клубдаги ёрқин ўйинини халқаро майдонга кўчира олмаётганидан хавотирда эканини билдирди. Бу ҳақда Goal.com хабар беради.
Уругвай ва Япония билан ўтказилган ўртоқлик ўйинларидаги омадсиз иштирокдан сўнг, Фоденнинг июн ойида АҚШда бўлиб ўтадиган турнирга бориши шубҳа остида қолди. Футболчи терма жамоа сафида 49 та ўйинда бор-йўғи 4 та гол урган, клубида эса 360 та баҳсда 110 марта рақиблар дарвозасини ишғол қилган.
Томас Тухел футболчининг машғулотларда ўзини кўрсатаётганини, бироқ майдонда кутилган натижани бермаётганини таъкидлади. Немис мутахассиси 20 май куни эълон қилинадиган якуний таркибда Фоден бўлмаслиги мумкинлигини очиқчасига айтди.
25 ёшли ярим ҳимоячи энди бор эътиборини «Ман Сити»даги ўйинларига қаратиши лозим. Англия терма жамоаси жаҳон чемпионати гуруҳ босқичида Хорватия, Гана ва Панама билан куч синашади.
Изоҳлар 0
…