Германия Бундеслигасининг 23-турида «Фрайбург» ўз майдонида «Боруссия» Мёнхенгладбахни қабул қилди. Учрашувда меҳмонлар тўп назоратида устунроқ кўринди, бироқ зарбаларда аниқлик етишмади. Бу ҳақда euro-football.ru хабар беради.
38-дақиқада стандарт вазиятдан кейин «Боруссия» ҳимояси тўпни узоқлаштира олмади ва Маттиас Гинтер учиб келган тўпни волей услубида дарвозага йўллаб, ҳисобни очди — 1:0. 74-дақиқада эса Игор Матанович рақиб жарима майдони ичида тўпни илиб кетиб, аниқ зарба билан фарқни иккитага оширди — 2:0.
83-дақиқада Харис Табакович «Фрайбург» дарвозасини ишғол этиб, ўйинга интрига қайтаргандек бўлди, аммо ҳакамлар офсайдни қайд этди. Орадан икки дақиқа ўтиб, Табакович бурчак тўпидан узатмага бош билан зарба бериб ҳисобни қисқартирди — 2:1, бироқ меҳмонларга қолган вақт камбек учун етмади.
Ғалабадан сўнг «Фрайбург» турнир жадвалида 7-ўринда бормоқда, «Боруссия» Мёнхенгладбах эса 14-поғонада қолмоқда.
“Zamin”ни Telegram'да ўқинг!
