Бибисара Асаубаева қозоқ тилини ўрганишни бошлади
Шахмат бўйича уч карра жаҳон чемпиони Бибисара Асаубаева қозоқ тилини ўрганишга қарор қилди ва илк синов дарсини белгилади. 22 ёшли спортчи аввалроқ расмий чиқишларида она тилида гапирмагани учун бир неча бор танқидларга учраган эди. Эндиликда шахматчи вазиятни тузатишга ваъда бериб, тил ўрганиш билан жиддий шуғулланишини маълум қилди.
Шахмат бўйича уч карра жаҳон чемпиони Бибисара Асаубаева қозоқ тилини ўрганишга қарор қилди. 22 ёшли спортчи бу ҳақда 23 апрель куни ўзининг Telegram-каналида маълум қилди. Унинг сўзларига кўра, янги ўқитувчи билан биринчи синов дарси аллақачон белгиланган. Бу ҳақда Zakon.kz хабар беради.
Аввалроқ шахматчи қиз интервью ва расмий чиқишларида қозоқ тилида жавоб бермагани учун бир неча бор танқид қилинган эди. Шундан сўнг Асаубаева вазиятни тузатиш ниятида эканини билдириб, тил ўрганиш билан жиддий шуғулланишга ваъда берган эди.
Маълумот ўрнида, Қозоғистоннинг яна бир таниқли шахматчиси, халқаро гроссмейстер Жансая Абдумалик ҳам ижтимоий тармоқларда фаоллик кўрсатиб, ўзининг кичик ёшли ўғли тушган суратлари билан бўлишди.
Изоҳлар 0
…