Франция терма жамоасининг собиқ ҳужумчиси Флоран Синама-Понгол Россия дарвозабони Матвей Сафоновнинг «ПСЖ»даги ўйинларини юқори баҳолади. Бу ҳақда euro-football.ru хабар беради.
Ветеран футболчи Россия Премьер-лигасини мунтазам кузатмаслигини айтди, бироқ Сафонов Франция ва Европада доим кўз ўнгида эканини таъкидлади.
«Россиялик футболчилар Чемпионлар лигасида яхши кўриниш бермоқда. «ПСЖ»даги Сафонов ҳам ўз ишини пухта бажариб келмоқда», — дея унинг сўзларини келтиради РИА Новости.
2025/2026 йилги мавсумда Сафонов парижликлар сафида 10 учрашувда майдонга тушиб, 4 та гол ўтказиб юборди. Шунингдек, у дарвозасига берилган 7 пеналтитдан 5 тасини қайтарди.
Бугун, 25 февраль куни Сафонов 27 ёшга тўлди. Клуб дарвозабонни туғилган куни билан илиқ табриклади.
“Zamin”ни Telegram'да ўқинг!
