Лионель Месси «Интер Майами» сафида «Колорадо Рэпидс»га қарши ўйинда дубль қайд этди. Унинг иккита голи жамоанинг 3:2 ҳисобидаги ғалабасини таъминлади. Ушбу баҳс Хавьер Маскеранонинг кетишидан сўнг Гильермо Ойоснинг бош мураббий сифатидаги илк ўйини бўлди. Бу ҳақда Goal.com хабар беради.
Аргентиналик футболчи ўйинни 18-дақиқада пенальти билан очди, сўнгра Герман Бертераме ҳисобни 2:0 қилди. Рақиблар иккинчи бўлимда иккита гол уриб ҳисобни тенглаштиришга муваффақ бўлишди, бироқ 79-дақиқада Мессининг зарбаси ғалаба нуқтасини қўйди.
Empower Field ат Mile High стадионига 75 824 нафар томошабин ташриф буюрди. Бу кўрсаткич MLS тарихидаги энг юқори ташрифлар рўйхатида иккинчи ўринни эгаллади. Месси мавсумдаги жами голлар сонини еттага етказди.
Мураббий Гильермо Ойос ўйиндан сўнг жамоа сардорининг маҳоратини юқори баҳолади. У Мессининг голи ҳақида гапириб: «Лампа ишлатилди ва фақат у ура оладиган гол келиб чиқди», деб таъкидлади. Ушбу ғалаба билан «Интер Майами» турнир жадвалида иккинчи ўринга кўтарилди.
“Zamin”ни Telegram'да ўқинг! 
