«Ўзбекнефтгаз» дебторлик қарздорлигини 1,3 трлн сўмга камайтирди
**"Ўзбекнефтгаз" дебиторлик қарздорлигини 1,3 трлн сўмга камайтирди.** "Ўзбекнефтгаз" компанияси жорий йил бошидан буён дебиторлик қарздорлигини 1,3 трлн сўмга қисқартиришга эришди. Биринчи чоракда корхона асосий ишлаб чиқариш кўрсаткичларини режадан ортиқ бажариб, саноат маҳсулотлари ишлаб чиқаришни 106 фоизга, даромадларни 110 фоизга етказди. Шунингдек, геология-қидирув ишлари натижасида 2 млрд куб метр табиий газ ва 40 минг тонна суюқ углеводород захиралари аниқланди. Иккинчи чоракда газ қазиб олишни кўпайтириш режаси доирасида 22 та янги қудуқ фойдаланишга топширилади.
"Ўзбекнефтгаз" компанияси жорий йил бошидан буён дебиторлик қарздорлигини 1,3 трлн сўмга камайтирди. Бу ҳақда компаниянинг молия, трансформация ва хусусийлаштириш бўйича бошқарув кенгаши раисининг биринчи ўринбосари Суҳроб Ҳамраев маълум қилди. Бу ҳақда Uzdaily.uz хабар беради.
Биринчи чорак якунларига кўра, корхона асосий ишлаб чиқариш кўрсаткичларини режадан ортиқ бажарди. Саноат маҳсулотлари ишлаб чиқариш 106 фоизга, даромадлар 110 фоизга, инвестиция кўрсаткичлари 160 фоизга ва экспорт ҳажми 130 фоизга етди. Шунингдек, тизим корхоналари давлат бюджетига 1,9 трлн сўм солиқ ва мажбурий тўловлар ўтказди.
Геология-қидирув ва бурғилаш ишлари натижасида 2 млрд куб метр табиий газ ва 40 минг тонна суюқ углеводород захиралари аниқланди. Иккинчи чоракда газ захираларини 5 млрд куб метрга, суюқ углеводородларни эса 100 минг тоннагача ошириш режалаштирилган.
Апрель-июнь ойларида табиий газ қазиб олишни кўпайтириш дастури доирасида 22 та янги қудуқ фойдаланишга топширилади, 31 та қудуқ капитал таъмирланади ва 21 та техник тадбир амалга оширилади. Ушбу чоралар суткалик газ қазиб олишни 6,7 млн куб метрга ошириш имконини беради.
Изоҳлар 0
…