Россия терма жамоасининг собиқ футболчиси Игор Семшов Матвей Сафоновнинг ПСЖдаги ўрнига баҳо берди. Сўнгги учрашувларда майдонга кўпроқ айнан россиялик дарвозабон тушмоқда, Люка Шевалье эса захирада қолмоқда. Бу ҳақда euro-football.ru хабар беради.
Семшовнинг фикрича, Сафонов рақобатда ҳақли равишда устун келган. У Доннарумма жамоани тарк этгач, Сафонов ПСЖда “биринчи рақам” мақомини қўлга киритганини таъкидлади. Семшов аввалроқ унга нега етарлича ишонч билдирилмагани эса алоҳида савол бўлиб қолаётганини ҳам қўшимча қилди.
Чоршанба куни ПСЖ Чемпионлар Лигаси доирасида ўз майдонида “Монако”ни қабул қилади. Ўйин тафсилотларини LiveResult порталида матнли трансляция орқали кузатиш мумкин бўлади.
Эслатиб ўтамиз, ўтган ҳафта ПСЖ “Монако”ни сафарда 3:2 ҳисобида мағлуб этганди. Ўша баҳс давомида парижликлар икки тўп фарқи билан ортда қолиб кетганига қарамай, иродали ғалабани қўлга киритган.
“Zamin”ни Telegram'да ўқинг!
