Германия Бундеслигасининг 24-туридан ўтказилган баҳсда Дортмунднинг «Боруссия» жамоаси кучли қаршилик кўрсатганига қарамай, Мюнхеннинг «Бавария» клубига 2:3 ҳисобида ютқазди. Бу ҳақда euro-football.ru хабар беради.
Натижада «Боруссия»нинг чемпионатдаги мағлубиятсиз серияси якунланди. Учрашувгача бу кўрсаткич Европанинг топ-5 лигалари орасида амалдаги энг узун серия бўлиб, 16 ўйиндан иборат эди.
Қизиғи, бу юриш ҳам айнан «Бавария»га қарши ўйиндан кейин бошланган: 7-турда мюнхенликлар 2:1 ҳисобида ғалаба қозонган, шундан сўнг «Боруссия» кечаги оқшомгача чемпионатда ютқазмай келганди.
Кейинги турда «шмеллар» сафардa «Кёльн» билан тўқнаш келади. Ўйин 7-март куни бўлиб ўтади.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
