Анвар Собиров тўйлар ҳақида очиқ гапирди: “Чарчадим”
Таниқли хонанда Анвар Собиров "Хуш келибсиз" кўрсатувида тўй хизматларини анча камайтиргани ва бунинг сабаблари ҳақида очиқ гапирди. Санъаткорнинг таъкидлашича, бугунги кунда тўйларда сифатли қўшиқ тинглашдан кўра кўпроқ шоуга талаб ортгани уни маънан чарчатган. У ўз репертуарининг замонавий талабларга ҳар доим ҳам мос келмаслиги ва тингловчиларнинг санъатга бўлган эътиборсизлигидан афсусда эканини билдирди. Хонанда шунчаки одамларни ўйнатиш учун эмас, балки ҳақиқий қўшиқ ижро этишни афзал кўришини алоҳида қайд этди.
Хоразмлик таниқли хонанда Анвар Собиров “Хуш келибсиз” кўрсатувининг навбатдаги меҳмони бўлиб, тўйларга чиқиш масаласида очиқ ва самимий фикр билдирди. Санъаткор сўнгги пайтларда тўйларда камроқ қатнашаётганини маълум қилди.
“Мен аслида тўйларга боришни деярли йиғиштирганман. Тўлиқ эмас, албатта, лекин анча камайтирганман,” — деди хонанда.
Бошловчи унинг бу қарори сабабини сўраб, “Чарчадингизми? Одамларданми ёки муносабатларданми?” дея савол йўллади.
Собиров эса бу ҳолатни бошқача изоҳлади:
“Ҳа, чарчадим. Лекин одамлар ёки муносабатлардан эмас. Тўйга борасиз, баъзида ноқулай вазиятлар юзага келади. Бугунги кундаги қўшиқларга бўлган талабга менинг репертуарим ҳар доим ҳам мос келавермайди. Баъзида бошқасига алмаштиринг, дегандек имо-ишоралар бўлади.
Очиғини айтсам, кўпчилик қўшиқни тингламайди — уларга кўпроқ шоу керак. Мен эса шоу кўрсатадиган хонанда эмасман, мен қўшиқ айтаман. Қўшиқларингизга одамлар рақсга тушмаса, кайфият ҳам тушиб кетади. Олинган ҳақ ҳам татимайди. Шундан кейин уйда бир неча кун ўзингизга келолмай ётасиз.
Албатта, одамларни ўйнатишнинг йўллари бор. Лекин у ерда қўшиқ айтилмайди,” — дея фикрларини якунлади санъаткор.
Хонанданинг бу самимий эътирофлари мухлислар орасида турли муҳокамаларга сабаб бўлмоқда.
Изоҳлар 0
…