Ўзбекистонлик фойдаланувчилар ChatGPT Go обуна нархи тушганини хабар қилишди. Эндиликда ушбу тариф ойлик $4 га тенг бўлди.
Аввалроқ унинг нархи $5 эди. Ўзбекистонда рўйхатдан ўтган ҳисоб эгаларининг айтишича, ChatGPT интерфейсида обуна бўлимида Go тарифининг нархи $4 га янгиланган.
Ҳозирча OpenAI томонидан расмий нархлар ўзгариши ҳақида эълон берилмаган. ChatGPT Go тарифи 2025 йилда ChatGPT Plus режасига нисбатан арзонроқ муқобил сифатида ишга туширилган эди.
Ушбу режим ривожланаётган бозорлар учун мўлжалланган бўлиб, кенгайтирилган моделга кириш имконияти, оширилган лимитлар ва бепул версияга нисбатан яхшилангган унумдорликни тақдим этади. Нархнинг пасайиши OpenAI’нинг минтақадаги кенгроқ нарх сиёсатининг бир қисми ёки чекланган синов бўлиши ҳозирча номаълум.
Бошқа мамлакатлардаги фойдаланувчилар ҳам нархларда фарқлар мавжудлигини, география ва валютага қараб $4 дан $5 гача ўзгаришини хабар қилишган. 2025 йил 4 декабр ҳолатига кўра, ChatGPT Go Ўзбекистон фойдаланувчилари учун $4/ой нархда тақдим этилмоқда.
Меҳмон гуруҳидаги фойдаланувчилар ушбу мақолага изоҳ қолдира олмайди.
