O‘zbekistonlik foydalanuvchilar ChatGPT Go obuna narxi tushganini xabar qilishdi. Endilikda ushbu tarif oylik $4 ga teng bo‘ldi.
Avvalroq uning narxi $5 edi. O‘zbekistonda ro‘yxatdan o‘tgan hisob egalarining aytishicha, ChatGPT interfeysida obuna bo‘limida Go tarifining narxi $4 ga yangilangan.
Hozircha OpenAI tomonidan rasmiy narxlar o‘zgarishi haqida e’lon berilmagan. ChatGPT Go tarifi 2025 yilda ChatGPT Plus rejasiga nisbatan arzonroq muqobil sifatida ishga tushirilgan edi.
Ushbu rejim rivojlanayotgan bozorlar uchun mo‘ljallangan bo‘lib, kengaytirilgan modelga kirish imkoniyati, oshirilgan limitlar va bepul versiyaga nisbatan yaxshilanggan unumdorlikni taqdim etadi. Narxning pasayishi OpenAI’ning mintaqadagi kengroq narx siyosatining bir qismi yoki cheklangan sinov bo‘lishi hozircha noma’lum.
Boshqa mamlakatlardagi foydalanuvchilar ham narxlarda farqlar mavjudligini, geografiya va valyutaga qarab $4 dan $5 gacha o‘zgarishini xabar qilishgan. 2025 yil 4 dekabr holatiga ko‘ra, ChatGPT Go O‘zbekiston foydalanuvchilari uchun $4/oy narxda taqdim etilmoqda.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
